Ilang Araw?

Ilang araw na nga ba

Mula nang ika'y lumisan?

Ilang araw na nga ba

Mula nang huling tawa, huling iyak

Huling halik, huling yakap?

Ilang araw na nga ba

Mula nang sabihin mong

Wala na ang dating tibok ng iyong puso.

Narito ako, nagbibilang ng araw

Kung kelan muling magiging masaya

Kung kelan muling mangangarap

Nang pag-ibig na wagas

Nang kinabukasang walang lungkot,

Walang luha sa aking mga mata.

Narito ako, nagbibilang ng araw

Kung kelan mo maiisip na ako ang taong nakalaan para sa'yo

Na ako ang tunay na magmamahal, nang walang maliw at pag-aalinlangan.

Kelan mo kaya muling mararamdaman

Na oo, ako ang taong handang makasama mo

Mula kahapon hanggang bukas na walang kasiguraduhan.

Narito ako, nagbibilang ng araw

Kung kelan ka babalik sa aking yakap

At muling sasambiting mahal mo pa rin ako

Tulad ng pagmamahal ko sa'yo

Na hindi masusukat ng ilang araw na lulubog at sisikat.